Las pendicularas tutgan tar il Grischun uschia sco ils culms ed ils lais en nossas cuntradas. Tenor las Pendicularas svizras dumbra la branscha actualmain intgins tschient implants. Tranter auter èn quai 6 funicularas , 78 pendicularas e cabinas, vitiers vegnan 106 sutgeras . Cun 125 runals e 201 runals pitschens e teppis magics sa resulta in dumber total da 516 implants da pendicularas en il Grischun.
Tut quels implants han ina gronda valur economica per il chantun, tenor las Pendicularas grischunas transportan ellas onn per onn 7,1 milliuns giasts e fan uschia ina svieuta da transport annuala da 392 milliuns francs .
Vegl, svelt e grond
Las emprimas pendicularas e funicularas èn vegnidas construidas en il Grischun enturn l'onn 1900 – il grond boom da turissem e cun quel la construcziun d'implants da sport hai dà a partir dals onns tschuncanta.
Inqual pendiculara e funiculara speziala
-
Bild 1 von 6Legenda: L'Älplibahn a Malans era vegnida bajegiada per far transports durant la Segunda Guerra mundiala – oz transporta ella turistas e turists. RTR, Prisca Bundi -
Bild 2 von 6Legenda: La funiculara da Tavau sin la Schatzalp è la veglia – bajegiada il 1899. RTR, Ursin Lechmann
-
Bild 3 von 6Legenda: Er la funiculara si Muottas Muragl è ina veglia – ella è dal 1907. RTR, Andreas Wieland
-
Bild 4 von 6Legenda: La pli gronda pendiculara en Svizra è a Samignun sin l'Alp Trider – sin duas auzadas ha ella plaz per 180 persunas. Keystone
-
Bild 5 von 6Legenda: La pli svelta pendiculara a duas sugas è quella dal Hörnli ad Arosa sin Urdenfürggli a Lai. Keystone
-
Bild 6 von 6Legenda: Ina che vegn duvrada per pendular è la pendiculara da Razén a Veulden. RTR