A Segl en l'Engiadina a il suprastant Heinz Ming demissiunà per immediat. El na possia betg pli sustegnair las decisiuns da la suprastanza communala e da la presidenta Barbara Aeschbacher.
Quai ha Heinz Ming scrit en sia brev d'abdicaziun, sco la vischnanca da Segl communitgescha. La suprastanza organisescha en sia proxima seduta la fasa intermediara, quai fin ch'in nov suprastant u ina nova suprastanta è elegida.
