Vischnanca da Valsot - Las novas testas pon ir vi da la lavur

Questa festa da «Cuvits» è ina veglia usanza, nua ch’il capo, la suprastanza communala e divers auters organs communals vegnan saramentads.

Ceremonia simbolica

A Ramosch, nua ch’il nov capo da Valsot Peder Caviezel è dachasa, cumenzan las festivitads cun in cortegi da la musica. Quel passa sper la chasa dal capo e piglia el cun sai envers la plazza da scola. Qua han ils uffants da scola fabritgà in podest cun in um da naiv. Quel è bundant trais fin quatter meters aut, e duai simbolisar la vischnanca. Suenter la ceremonia cun il sarament dals organs da la vischnanca, vegn la testa da quest um da naiv schlavazzada davent e ramplazzada cun ina nova testa. Il vegl capo, Victor Peer, fa plazza al nov, Peder Caviezel.

Far festa

Suenter l'act uffizial cun musica, ha il nov capo envidà tut ils preschents e las preschentas a la festa da «Cuvits» ad ina buccada e la saira ad in bal. Enramadas èn las festivitads cun sun e tun da differents chors, musicas e chapellas da saut.

Impressiuns da la festa da «Cuvits»

Or da l'archiv