En in'expertisa dal favrer 2023 vegnan las duas cumissiuns federalas a la conclusiun che las duas variantas preschentadas donnegiassan il purtret dal vitg (tenor l'Inventari federal dals lieus svizzers d'impurtanza naziunala degns da protecziun ISOS e l'Inventari da las vias da communicaziun istoricas da la Svizra IVS). Perquai èn las duas cumissiuns da l'avis che las duas variantas ch'il chantun ha preschentà na duain betg vegnir realisadas.
Na per questas duas variantas:
-
Bild 1 von 2Legenda: Varianta 1: Quella fiss sviada en il sid ed avess cumpiglià la via da l'Umbrail. Uffizi da construcziun bassa -
Bild 2 von 2Legenda: Varianta 2: Quella fiss ida al nord dal vitg sperasvi e n'avess betg cumpiglià la via da l'Umbrail. Uffizi da construcziun bassa
Las cumissiuns suttastritgan dentant er ch'i saja da beneventar da sviar il traffic tras il vitg, perquai che gliez vegniss puspè da bun al purtret dal vitg en il center. Els proponan dentant ina soluziun cun signal da glisch. Sch'ins vuless restar tar la varianta d'in sviament, lura proponan las duas cumissiuns da realisar in tunnel – tar il qual ils dus portals stuessan lura esser ordaifer il purtret dal vitg.
Chantun vul examinar las duas propostas novas
Il chantun vul uss examinar las duas variantas proponidas da nov e discussiunar quellas cun la vischnanca. Quai dovra dentant temp, sco ch'il chantun scriva en sia communicaziun. Ils scleriments duain vegnir resguardads er en il process per il nov plan directiv.
La situaziun actuala è privlusa
La via dal Fuorn (la via principala A28) collia l'Engiadina Bassa, sur il Pass dal Fuorn cun il Tirol dal Sid. Er la Via da l'Umbrail collia il center da Sta. Maria cun la via principala. Il center dal vitg è fitg stretg e na permetta betg a dus camiuns da cruschar. Pervi da la capacitad memia pitschna ed il traffic pesant che s'augmentà, è il traffic adina pli savens bloccà u vegn franà durant il temp da stagiun auta. Las emissiuns sco la canera, las svapurs u er il stremblir chaschunan in stress supplementar per abitantas ed abitantas. Er la segirezza per peduns e pedunas sco er per velos ed en spezial per uffants n'è betg dada, perquai ch'i n'ha nagin plaz per trottuars en la stretga.
Or da l'archiv
Il 2013 hai dà resistenza cunter in sviament: