Tut ils parcs da natira èn obliads da preparar a temp ina strategia per l'avegnir – surtut per dumandar a temp per las contribuziuns chantunalas e da la Confederaziun. Sut il num «nossa via» ha il parc da natira Biosfera Val Müstair fatg quella lavur. Ensemen cun la populaziun, politica e gremis regiunals prevesan els da realisar differents projects persistents che dessan manar ina plivalur a la Val Müstair.
Il turissem, l’economia e mastergn, l’agricultura – insumma tut la Val Müstair – dessan pudair profitar dad in u l'auter project previs. Il preventiv prevesa custs da radund 1,8 milliuns francs l’onn.
Sco proxim sto anc la cumissiun da la biosfera consentir ils projects 2025 – 2028. Sinaquai segua la vischnanca politica. Il project final vegn lura suttamess al Chantun e Confederaziun.