La Chasa Chalavaina a Müstair vegn undrada cun la distincziun «hotel istoric da l'onn 2024» dad ICOMOS, il cussegl internaziunal per monuments e lieus istorics, quai scriva Hotelleriesuisse. La substanza istorica da l'edifizi caracteristic saja vegnida rinfrestgada a moda miaivla ed amabla cun meds modests. Il concept da gestiun persvadia cun sia enragischaziun en la regiun, l'ospitalitad vivida e tras l'integraziun da l'istorgia plain respect.
La Chasa Chalavaina vegn menziunada per l'emprima giada 1254 sco albiert ed è uschia in dals pli vegls albierts dal pajais. En quest lieu istoric ha l'onn 1499 Benedetg Fontana engirà sias truppas per la battaglia da la Chalavaina, da là deriva er il num da la Chalavaina.
Sco «ustaria istorica da l'onn 2024» vegn undrada la «Kronenhalle» a Turitg e la «Spanische Weinhalle» a Burgdorf en il chantun da Berna survegna in premi spezial.
Or da l'archiv:
