-
Bild 1 von 12Legenda: RTR -
Bild 2 von 12Legenda: In aual en la Val Trupchun. RTR
-
Bild 3 von 12Legenda: RTR
-
Bild 4 von 12Legenda: RTR
-
Bild 5 von 12Legenda: ... tras il guaud. RTR
-
Bild 6 von 12Legenda: RTR
-
Bild 7 von 12Legenda: RTR
-
Bild 8 von 12Legenda: RTR
-
Bild 9 von 12Legenda: Da viadi en la Val Trupchun. RTR
-
Bild 10 von 12Legenda: RTR
-
Bild 11 von 12Legenda: Avant il viadi en Val Trupchun Annina Buchli, Ruedi Wiesner ed Armon Taisch èn la guida ed ils guids per l'excursiun. RTR
-
Bild 12 von 12Legenda: La tavla mussa la gista direcziun per l'excursiun. RTR
Guida tras la Val Trupchun
La Val Trupchun che tutga tar il Parc Naziunal Svizzer, è ina val laterala da l’Engiadin’Ota. Ina val bain frequentada, surtut vers la fin settember ed il cumenzament october cura ch'ils tschiervs berglan. Ruedi Wiesner è guid da la Val Trupchun e maina turistas e giasts tras la natira.
Dapli set onns lavura l’engiadinais en la Val Trupchun – per el in mastergn da siemi, cun quai che mintga di è different. La gievgia han bunamain 50 persunas prendì part a la guida, quai èn fitg bleras persunas, di il guid Ruedi Wiesner. Cun tantas persunas fan els trais gruppas, cun trais guids e guidas. Durant chaminar, fotografar e guardar tras il spievel da champagna raquinta Ruedi Wiesner tantas chaussas dal Parc Naziunal Svizzer e da la Val Trupchun. E ils participants e participantas da la guida giaudan la vista sur la val, las plantas verdas e melnas e il schuschuri da l’aua.
Visita sin il campadi Gravatscha
Il campadi Gravatscha sa chatta sper l’eroport e sper il guaud, e davantvi cula il flum Flaz. Sin il campadi a Samedan datti 66 plazzas, questas èn tuttas occupadas. Tamara Margadant che lavura tranter auter en il biro dal campadi di, che la stagiun da l’onn 2023 saja ina grondiusa. Mai uschia sco l’onn da record dal 2021, dentant era bun. Surtut durant l’atun hai anc blers giasts, il settember circa in quart dapli che l’onn passà.
Era l’october guarda ora d’in bun mais. Surtut pervia da l’aura che resta buna.
-
Bild 1 von 6Legenda: Tamara Margadant lavura tranter auter sin il campadi Gravatscha, ed è sezza ina tippa dad ir a campar. RTR
-
Bild 2 von 6Legenda: La bun'ura avant l'excursiun en la Val Trupchun. RTR
-
Bild 3 von 6Legenda: Fissan era preparads per temperaturas pli bassas, enfin minus 15 grads. RTR
-
Bild 4 von 6Legenda: Tschiel blau e temperaturas autas durant l'october en Engiadin'Ota. RTR
-
Bild 5 von 6Legenda: Sin las 66 plazzas dal campadi datti tendas, rulottas, busins da campar, e chasinas da lain. RTR
-
Bild 6 von 6Legenda: Dal campadi Gravatscha pon ins vesair la vischnanca da Samedan, ed il flum Flaz culla davantvi. RTR
Ils giasts sin il campadi dorman en rulottas, busins da campar u tendas. Cun questa bell’aura fan els diversas activitads durant il di. Intgins van cun velo, autras si en las muntognas, in pèrin ha ditg ch’els van a giugar a tennis, ed in um va cun ils skis cun rodas. Per blers dad els pudessan las temperaturas anc esser pli bassas. D’ina vart fissan las plantas pli coluradas oransch, e da l’autra vart èn els preparads ch'i pudess vegnir fraid.