A l’organisaziun UNESCO Biosfera fan part la vischnanca da la Val Müstair, la vischnanca da Scuol ed il Parc Naziunal Svizzer. Tuttina è Victor Peer vegnì dumandà sch’el fiss pront da presidiar quella organisaziun, in uffizi ch'el vul er prender per mauns.
Victor Peer è er stà president da la Pro Terra Engiadina, ina societad cun interess sumegliants.
L’organisaziun ha forsa gì internas differenzas. Jau sco president da Valsot sun en quel sen neutral.
La gronda finamira da Victor Peer è dad unir quell'organisaziun. Per el èsi impurtant che tut ils partenaris collavuran ensemen sco unitad, e betg mintgin da per sai. Plinavant vul el er daventar pli visibel cun la UNESCO Biosfera Engiadina Val Müstair. Tenor Peer n'enconuschan ins betg la lavur e funcziun da quella cumissiun. Quai duai sa midar en avegnir.
Sper Victor Peer sco president èn vegnidas elegidas Heidi Hanselmann e Gianna Rauch Poo sco represchentants dal Parc Naziunal Svizzer, Gabriella Binkert-Bechetti ed Ulrich Veith per la Val Müstair e Fadri Blanke e Daniel Stecher per la vischnanca da Scuol. La perioda d’uffizi dura dal 2024 fin il 2028.
