-
Bild 1 von 4Legenda: En Svizra datti be pli trais tessarias professiunalas. RTR, Ulrica Morell -
Bild 2 von 4Legenda: En la tessanda a Sta. Maria fan actualmain duas giuvnas l'emprendissadi da la tessunza professiunala. RTR, Ulrica Morell
-
Bild 3 von 4Legenda: En tut la Svizra datti actualmain tschintg emprendistas ed in emprendist. RTR, Ulrica Morell
-
Bild 4 von 4Legenda: Sco tessunza professiunala vul quai oravant tut pazienza, perseveranza e precisiun. RTR, Ulrica Morell
La tessaria a Sta. Maria en la Val Müstair è ina da las ultimas grondas manufacturas da tailas tradiziunalas en Svizra. Numnadamain taissan 15 dunnas cun apparats ch’èn per part passa 100 onns vegls. Vegl è era la professiun da la tessunza professiunala – ina professiun che mora quasi ora en Svizra. En tut il pajais fan actualmain numnadamain tschintg emprendistas ed in emprendist quel giarsunadi – duas dad ellas en la tessaria a Sta. Maria.
Lavur pretensiusa
Sco tessunza professiunala ston ins avair bleras cumpetenzas. Tenor Elena Müggler ed Asya Buchli, las duas emprendistas da la tessaria a Sta. Maria, èn precisiun, pazienza e perseveranza ils pli impurtants criteris.
Problem da chattar plazzas suenter l’emprendissadi
Quai fa grond plaschair a la schef-tessunza Alexandra Salvet. Tenor ella n'èsi betg il problem da chattar emprendistas. Il pli grond problem vesa ella suenter l’emprendissadi. Cunquai ch’i dat be paucas tessarias en Svizra èsi numnadamain difficil da chattar ina plazza da lavur adattada.