Tes vitg – Tia istorgia - Nus giain a Bever

Il vitg da Bever ...

• è situà en l'Engiadin'Ota sin 1'714 meters sur mar
• ha 607 abitantas ed abitants
• ha 213 chasas
• e 283 vatgas.

Quai scriva la chanzlia communala sin sia pagina introductiva en la rait.

Quest'emna essan nus en tschertga da tut quellas istorgias sur dal vitg, che las abitantas ed abitants da enconuschan. Da mesemna enfin venderdi fan nossa reportra Lucia Parolini e noss reporter Pietro Jacomet fermativa cun la rulotta da RTR a Bever.

Intginas propostas ha Pietro Jacomet schon survegnì, quai dal president communal Fadri Guidon.

Poesia d'amur per Bever

Ina persuna da Bever ha tramess a nus ina poesia cun in pèr patratgs ch'ella ha fatg da sia vischnanca da patria. Ella vul restar anonima ed ha perquai tschernì il pseudonim «giunfra bevrotta».

En la poesia menziuna la giuvna co ch'igl è da crescher si a Bever e tge impurtanza che quella patria ha per ella.

Qua pudais chargiar giu tut la poesia

Ord l'archiv

A Bever datti per exempel giuvens ch'èn solidarics cun ils seniors:

A Bever stà e lavura er Primo Semadeni – l'unic Grischun, che maina trais buffets u restorants da staziun, numnadamain a Bever, sin il Bernina e sin l'Alp Grüm:

Cler, che quai è be ina fitg pitschna part da Bever – perquai essan nus quest'emna en Engiadin'Ota.