La malsogna demenza – ina malsogna, che nagin po guarir – mida la vita da la persuna pertutgada e dals confamigliars dal tuttafatg.
L’Uniun Frondis ha inaugurà il schaner da l'onn 2023 in center dal di per persunas cun demenza. L’intent è da porscher ad els in mintgadi cuntent e da dar distgargia als confamigliars. Entant pon ils giasts passantar durant trais dis l’emna il mintgadi a Silvaplauna. Previs è dentant da porscher bainprest er in quart di.
L’engaschament da Frondis ha lantschà anc in auter project – numnadamain vegn organisà quest onn gia per la segunda giada en Engiadina la dieta «demenz meet».
Ina pussaivladad da passantar in di ensemen cun auters pertutgads e pertutgadas – ina dieta cun in program vast davart la tematica da la demenza. Quella dieta ha lieu ils 29-03-2025 en l'Hotel Laudinella a San Murezzan.
