Il teater «la revisura»
-
Bild 1 von 10. Bainprest arriva la revisura. Tuts èn surprais. Bildquelle: RTR.
-
Bild 2 von 10. La revisura vegn beneventada cun bratscha averta. Bildquelle: RTR.
-
Bild 3 von 10. La revisura en discurs cun la vendidra da sandwichs. Bildquelle: RTR.
-
Bild 4 von 10. Ils dus spierts dal tren da fantoms. Bildquelle: RTR.
-
Bild 5 von 10. Co agir envers la revisura? Il persunal discuta soluziuns. Bildquelle: RTR.
-
Bild 6 von 10. La revisura è ina dunna attractiva. Ils umens èn fascinads. Bildquelle: RTR.
-
Bild 7 von 10. Tuts vulan far il meglier per aderir ils giavischs da la revisura. Bildquelle: RTR.
-
Bild 8 von 10. Il persunal da la plazza da divertiment en tschertga da soluziuns. Bildquelle: RTR.
-
Bild 9 von 10. Il figl da la famiglia Bluord s’inamurescha en la revisura. Bildquelle: RTR.
-
Bild 10 von 10. Finalmain vegn tut ad esser sclerì e tuts èn spaventads. Bildquelle: RTR.
Bler gira sin la plazza da divertiment dals Bluords. Qua datti in carussel, in stan da sajettar e perfin in tren da fantoms e natiralmain datti era la pussaivladad da mangiar e baiver. Ma la scheffa Antonia Bluord retschaiva ina charta cun l’annunzia da l’arriv d'ina revisura.
Malsegirezza cumenza a turmentar la scheffa ma er il persunal da la plazza da divertiment – è la segirtad dada, constattan las finanzas ed insumma vegn incassà correct? Cun l’arriv da la revisura cumenzan tut las intrigas, manzegnas e malencletgas. La famiglia Bluord e ses persunal vul sa preschentar sco affar correct e fa tut il pussaivel per cuntentar la revisura.
Finalmain vegnan els sin il fund da la realitad.
10 acturas ed acturs
La gruppa da teater Scuol gioga «la revisura». I sa tracta d'in toc en dus acts da Paul Steinmann e Peter Fischli tenor ina cumedia da Nikolai Gogol. 10 acturas ed acturs giogan sin il palc e tut las persunas hajan ina rolla tuttafatg particulara, manegia la reschissura Anna Mathis. Tranter las 10 acturas ed acturs datti versads ma era da quels che giogan l’emprima giada teater.
Fatg sez las culissas
Il palc è vegnì transfurmà en ina plazza da divertiment. Tenor Jon Andri Fliri è la construcziun da las culissas stada ina lavur da cuminanza. Tuts han gidà a realisar ellas, e las culissas èn tenor Fliri in motiv en pli da visitar il teater.