Ditg han ils organisaturs dal Snow Polo San Murezzan tremblà sche l’occurrenza po avair lieu u betg. Pervi da las temperaturas autas n’era la vetta da glatsch dal lai betg grossa avunda. Cun retard è l’installaziun da l’infrastructura per il turnier finalmain tuttina gartegiada. In levgiament er per il fundatur dal Snow Polo a San Murezzan, Reto Gaudenzi.
Per nus datti ina gronda satisfacziun che tut las stentas e numerusas uras investidas durant las ultimas duas emnas, han valì la paina.
Construì vegn per il turnier da polo ina plazza da 200 meters lunghezza e 100 meters largezza per il gieu. Ultra da quai tutgan differentas tribunas tar l’infrastructura, tranter auter er ina da VIP. Per ils giasts illusters stat er a disposiziun ina tenda stgaudada.
Il sport da polo datti gia dapi passa 2’600 onns. Oriundamain deriva il gieu da la Persia, oz numnadamain da l’Iran, l’Afghanistan, il Caschmir ed il nord dal Pakistan. Ils giugaders cumbattan sumegliant ad in gieu da hockey, dentant en sella da chavals.
-
Bild 1 von 14Legenda: Impurtant è da seser en in lieu nua ch'ins vesa bler e nua ch'ins vegn er vesì. RTR, Anna Caprez
-
Bild 2 von 14Legenda: Er las bavrondas èn exclusivas RTR, Anna Caprez
-
Bild 3 von 14Legenda: Tut pront per il Snow Polo RTR, Anna Caprez
-
Bild 4 von 14Legenda: La vista da la tribuna RTR, Anna Caprez
-
Bild 5 von 14Legenda: A l'ur da la plazza vegn fotografà RTR, Anna Caprez
-
Bild 6 von 14Legenda: Ils giugaders èn pronts RTR, Anna Caprez
-
Bild 7 von 14Legenda: Aspectaturas ed aspectaturs arrivan sin il lai RTR, Anna Caprez
-
Bild 8 von 14Legenda: Las tendas èn avertas RTR, Anna Caprez
-
Bild 9 von 14Legenda: Il Snow Polo a San Murezzan ha tradiziun RTR, Anna Caprez
-
Bild 10 von 14Legenda: Il sport da polo è preschent sin tut l'areal. RTR, Anna Caprez
-
Bild 11 von 14Legenda: Adina er in motiv tschertgà per far fotografias. RTR, Anna Caprez
-
Bild 12 von 14Legenda: Sco in pitschen cumin sa preschenta l'infrastructura dal Snow Polo sin il lai schelà RTR, Anna Caprez
-
Bild 13 von 14Legenda: La purschida è vasta ed internaziunala. RTR, Anna Caprez
-
Bild 14 von 14Legenda: ... ed adina puspè sculpturas da glatsch. RTR, Anna Caprez
Tradiziun a San Murezzan
Il gieu da polo han ils Englais introducì en Engiadina. Il 1959 è vegnì fundà il Polo Club San Murezzan per organisar turniers durant la stad. L’onn 1978 ha l’hotelier engiadinais Reto Gaudenz furmà l’emprim team da polo svizzer. La premiera sin il lai schelà ha gì lieu dal 1985. Entant s’è il turnier sviluppà ad in dals gronds eveniments d’enviern sin il Lai da San Murezzan.