«Sine Sole Sileo» - Ura da sulegl precisa sin secundas

Il sulegl mussa dapertut in auter temp. Numnadamain na rotescha il mund betg regularmain enturn il sulegl. In’ura da sulegl inditgescha pia il temp dal lieu – e betg il temp standardisà uffizial da l’ura da bratsch. Quai signifitgescha ch’i dat ina differenza: L’ura da sulegl mussa ina differenza da var 15 minutas. Sin la muntogna da chasa da Samedan, Muottas Muragl, sin 2456 meters sur mar, sa chatta però in’ura da sulegl magari moderna, e pli exacta ch'autras. Quella inditgescha il temp cun ina precisiun da 10 secundas, e betg 15 minutas.

Tabella da correctura

Per metter en funcziun l’ura da sulegl «Sine sole sileo» dovri ina tabella da correctura che mussa quasi la correctura dal temp dal sulegl envers il temp da l’ura da bratsch. Per mintga di è inditgada ina valur, e mintg’onn sto la tabella vegnir adattada.

L'enviern in'ura da glina

«Sine Sole Sileo» (dal latin en rumantsch: senza sulegl taschel jau) è bain il num da l'ura, na constat però para betg daltut. Perquai che l'ura funcziuna era senza sulegl. L’enviern è l'ura numnadamain in’ura da glina. Vul dir ch’ins po leger il temp durant la notg.

Co leger il temp sin l'ura «Sine Sole Sileo»