Sin 2'336 m s. m. - La vita sin la Capanna d'Albigna
Rampignar, viandar u giudair la vita – tut quai e dapli pon ins far sin la chamona da CAS che sa chatta sin 2'336 m s. m. RTR ha visità la chamona en Bregaglia ed ha dà in cuc tge che gira davos las culissas.
1 / 8
Legenda:
Da bun'ura sin 2'336 m. s. m.: Anc vesan ins la glina.
RTR
2 / 8
Legenda:
Ordador chamona regia in'atmosfera tut paschaivla. Igl è fitg ruassaivel. Be mintgatant audan ins ina muntanella u in utschè.
RTR
3 / 8
Legenda:
La bun‘ura curt suenter las 6:00 sa dasdan ils giasts plaunet. Cunquai che blers van a raiver, èn ils pli paucs gia vegnids or da letg avant quellas uras.
RTR
4 / 8
Legenda:
Fertant ch'ils blers dorman anc, è la cuschina gia averta. Oz ha la scheffa preparà l'ensolver. Ella po ademplir quasi mintga giavisch.
RTR
5 / 8
Legenda:
L'ensolver è pront, inclusiv la survista sin la grippa da granit.
RTR
6 / 8
Legenda:
Ils sandwichs per la marenda ha il team gia preparà la saira avant. Tut quai ch'è fatg, è fatg.
RTR
7 / 8
Legenda:
Uschia vegn er la rasada gia fatga da bun'ura baud. En il decurs dal di vegn quella lura servida sin la terrassa.
RTR
8 / 8
Legenda:
Tge aventuras spetgan oz pomai sin ils giasts?
RTR
audio
Bun di! Impressiuns da la chamona la damaun baud
06:14 min, ord Actualitad dals 24.07.2024.
Maletg: RTR
laschar ir. Durada: 6 minutas 14 Secundas.
Enturn las 6:00 la damaun èsi anc ruassaivel en la chamona. Be in pèrin saja gia partì anc pli baud per ir a far ina tura. Las bleras persunas che dorman en la Capanna da l'Albigna fan quai per ir a rampignar il proxim di. Là n'èsi er betg da sa dasdar gia cura ch'igl è anc stgir. Era dadora audan ins bunamain nagut – pia solen ruaus, sch'ina muntanella na tschivlass betg qua u là.
Suenter las 7:00 s'emplaina dentant la sala da la chamona pli e pli. Temp per ensolver sin 2'336 m s. m. Er il team da la chamona sesa ensemen per mangiar, discutar e planisar. Quai sajan ils paucs muments quiets en il mintgadi, manegia Aita Janett, ina dunna che gida mintgamai per in pèr emnas durant la stagiun da stad.
audio
A maisa tar l'ensolver communabel
06:17 min, ord Actualitad dals 24.07.2024.
Maletg: RTR
laschar ir. Durada: 6 minutas 17 Secundas.
Legenda:
L'ensolver communabel è in mument ch‘il team stima. I vegn discurrì da tut quai che fatschenta il mintgadi en chamona. E suenter l’ensolver vegn er decis communablamain tgi che surpiglia tge lavur.
RTR
Suenter l’ensolver cumenza il di da lavur. Tgi guarda da las stanzas, tgi cumenza a lavar giu, tgi prepara autras chaussas per ils giasts.
1 / 12
Legenda:
Uschia cumenzan las lavurs endadens. Nettegiar las tualettas tutga – nunspetgadamain – tar las lavurs preferidas. Ins possia giudair in mument sulet.
RTR
2 / 12
Legenda:
Il far si letg saja mintgatant dir, ma er cun far questa lavur possian ins giudair in zic quietezza.
RTR
3 / 12
Legenda:
Bler temp per sasezzas n‘han las gidantras betg. Uschia dorman ellas er en ina chombra communabla.
RTR
4 / 12
Legenda:
La prelavada vegn anc fatga a maun. Suenter datti in zic agid datti da la maschina.
RTR
5 / 12
Legenda:
Er en cuschina gira adina insatge.
RTR
6 / 12
Legenda:
E l‘avantmezdi vegn er gia preparada a la gronda per la tschaina.
RTR
7 / 12
Legenda:
En in chantun en davos maisa sa chatta il biro – notabene in biro cun survista!
RTR
8 / 12
Legenda:
Il tschaler è bain empleni cun verduras e mangiativas.
RTR
9 / 12
Legenda:
La Capanna da l‘Albigna attira pitschen e grond. Enturn las 9:00 cumenza ina famiglia ina tura.
RTR
10 / 12
Legenda:
E per ils pli pitschens spetga dadora la sablunera.
RTR
11 / 12
Legenda:
Quels dus cumpogns cumenzan gest ina tura da plirs dis. Speranza na datti naginas vaschias vid ils pes.
RTR
12 / 12
Legenda:
Fertant che la lavur cumenza endadens, bandunan ils giasts la chamona per ir a viandar u a rampignar.
RTR
Co rivar sin la Capanna da l'Albigna?
Avrir la boxSerrar la box
Legenda:
RTR / Open Maps
Sco pliras vias mainan a Roma, mainan era pliras vias tar la Capanna da l'Albigna: La pli cumadaivla va cun la pendiculara che parta da Pranzaira (sutvart dal Pass Malögia) enfin tar il mir da serra dal Lägh da l'Albigna. Da là cuntanschan ins suenter «mo» in'ura a pe la chamona che giascha amez pizza da granit.
audio
Il viadi e l'arrivada en la chamona
08:17 min, ord Actualitad dals 23.07.2024.
Maletg: RTR
laschar ir. Durada: 8 minutas 17 Secundas.
audio
Tge manegia la glieud da la chamona?
03:16 min, ord RTR Audio dals 24.07.2024.
Maletg: RTR
laschar ir. Durada: 3 minutas 16 Secundas.
I dovra il curaschi da prender liber
Gia la 11avla stad mainan Annamaria Crameri e Martin Ruggli la Capanna da l’Albigna. E pli u main tuttina ditg èn els geniturs – da dus uffants da 9 ed 11 onns. Uschia è la chamona durant la stagiun da stad sco lur segund dachasa, sco Annamaria Crameri ha ditg. Ed ils suentermezdis èn il temp cura ch’ils uffants pon quintar cun lur mamma e lur bab, per exempel cun ir ensemen a grillar u far in bogn en in aual.
Legenda:
Fertant ch'ils giasts èn vid rampignar sin rutas pli simplas e pli difficilas, emprovan Annamaria Crameri e Martin Ruggli da rablar sut in chapè la famiglia e la chamona.
RTR
Cun la blera lavur ch’ina chamona alpina pretenda, èsi tenor Martin Ruggli ina gronda sfida da coordinar quella cun la vita da famiglia. Ina via è da delegar als emploiads ed a las emploiadas. Lura dovria dentant er il curaschi da dir chau, jau sun davent, era sche la chamona è plaina – agiunta la scheffa Annamaria Crameri.
audio
Co ch'ils guardiachamona organiseschan la vita da famiglia
04:27 min, ord Actualitad dals 24.07.2024.
Maletg: RTR
laschar ir. Durada: 4 minutas 27 Secundas.
Quest temp intensiv en la Capanna d’Albigna na lascha nagin spazi per conflicts pli gronds. Quai saja lura da prender suenter las autras stagiuns, sincereschan l’um e la dunna rient. E per l’avegnir na fetschian els betg gronds patratgs. Uscheditg che la vita actuala constettia per tuts, cuntinueschian els.
1 / 15
Legenda:
La Capanna d'Albigna è in paradis per ir a viandar e raiver. Uschia stattan giasts savens er pliras notgs.
RTR
2 / 15
Legenda:
L'avantatg da la chamona Albigna è l'access: Tgi che va a raiver sto purtar l'entir material «be» in'ura enfin tar la chamona. Igl è ina senda marcada alv-cotschen-alv, uschia èsi tuttina da guardar nua plazzar mintga pass.
RTR
3 / 15
Legenda:
Er sche la spassegiada dal lai da serra enfin tar la chamona ha «be» cuzzà ina ura, fai bain da midar ils chalzers da viandar cun stgalfins da chamona.
RTR
4 / 15
Legenda:
Da dis d'aura da bellezza fan 100 fin 150 giasts dal di in paus sin la terrassa da la Capanna d'Albigna.
RTR
5 / 15
Legenda:
Martin Ruggli ed Annamaria Crameri beneventan dapi passa 10 onns ils giasts da la Capanna d'Albigna.
RTR
6 / 15
Legenda:
Ma cumenzain il viadi da l'entschatta: Da la val maina la pendiculara en radund 10 minutas da Pranzaira en Bregaglia enfin tar il mir da serra. Ma oha, tgi ch'ha starment da l'autezza na guarda pli gugent betg en la profunditad. Perquai n'hai er nagina foto vers engiu ;-).
RTR
7 / 15
Legenda:
Il lai da serra Albigna è vegnì construì la fin dals onns 1950, be aifer dus onns. El è circa dus kilometers lung e var 500 meters lad.
RTR
8 / 15
Legenda:
Pervi dal project dal mir da serra è la chamona vegnida dischlocada ed engrondida. Uschia na sa catta la Capanna d'Albigna dapi il 1956 betg pli sin il livel dal mir da serra, mabain in zic pli ad aut sin 2'336 m s. m., sco ins vesa qua da lunsch.
RTR
9 / 15
Legenda:
Tgi ch'è da viadi tar la chamona inscuntra er quel: il spiert da l'Albigna.
RTR
10 / 15
Legenda:
Suenter traversar il mir da serra cuntinuescha il viadi sin ina senda vers la chamona. La spassegiada cuzza var in'ura.
RTR
11 / 15
Legenda:
Curt avant la tegia passan ins sper in lai alpin idillic.
RTR
12 / 15
Legenda:
Arrivada tar la Capanna d'Albigna sin 2'336 m s. m.!
RTR
13 / 15
Legenda:
Da bell'aura – u meglier ditg da buna prognosa d'aura – visitan 100 fin 150 giasts la Capanna d'Albigna.
RTR
14 / 15
Legenda:
Tegnair ad aut las chommas e giudair in aperitiv avant tschaina sin 2‘336 m s.m., uschia sa lascha giudair la survista.
RTR
15 / 15
Legenda:
Quest perin resta pliras notgs sin la chamona. Durant il di giaudan els las sfidas en las muntognas, cunzunt cun ir a raiver. E vers saira als fascinescha la quietezza.
RTR
La Capanna da l'Albigna – intgins fatgs
Avrir la boxSerrar la box
L'emprima giada è la tegia vegnida fabritgada l'onn 1910, lura sin il livel dal mir da serra.
Cun la construcziun dal lai da fermada è la tegia vegnida fabritgada da nov l'onn 1956 en il lieu nua ch'ella è oz sin 2'336 m s. m.
L'onn 1994 è la chamona vegnida renovada ed engrondida.
La chamona porscha plaz per 85 letgs.
Averta è ella da mez zercladur enfin l'entschatta october.
I sa tracta d'ina chamona da CAS che tutga tar la secziun Hoher Rohn.
Or da l'archiv
Il 2016 è la pendiculara – che maina fin al lai da serra Albigna – vegnida remplazzada. Lura ha RTR rapportà da las lavurs spectacularas.
