Las chamonas dal Club alpin svizzer CAS guardan enavos sin la meglra stagiun da stad da lur istorgia. Las 147 chamonas avertas nodan per ils mais da stad 2023 en tut passa 310'000 pernottaziuns. Quai ha il club communitgà.
Per l'emprima giada hajan ins uschia fatg ina svieuta da passa 10 milliuns francs. Guardà sur l'entir onn han las chamonas registrà passa 373'000 pernottaziuns, quai èn 1'800 pernottaziuns pli pauc che l'onn da record 2022.
Er il Grischun ha gì 3% damain pernottaziuns. Tar la stagiun l'impurtanta la stad hai dentant dà in augment da 5%. L'enviern hai percunter dà in minus da 30%. En tut èsi stà 80'000 pernottaziuns.
Mo Tessin ha gì in bun enviern
L'enviern 2022/2023 è stà fitg miaivel, perquai èn las pernottaziuns tranter november ed avrigl idas enavos en l'entira Svizra (per 19%). Sulettamain en il Tessin èn lura 44% dapli persunas stadas sur notg en ina chamona dal CAS.
