Mardi baud il suentermezdi èn duas persunas ruttas en il glatsch entaifer in'ura en il lai da Segl. Ellas èn vegnidas salvadas or da l'aua.
L’emprima annunzia è entrada curt suenter las 13:00 tar la Polizia chantunala dal Grischun. En consequenza è il salvament d’aua dals pumpiers Trais Lejs vegnì clamà. Terzas persunas han pudì trair or dal lai questa persuna, ella era rutta en durant ir cun patins. La Rega ha sgulà la persuna per scleriments medicinals en l’ospital a Samedan. Strusch in’ura pli tard è in segund accident vegnì annunzià. Era questa persuna ha pudì vegnir spendrada or da l’aua da terzas persunas. Las forzas da salvament eran dentant gia puspè sin via al lai.
Segirtad sin ils lais cugliuna
La Polizia chantunala dal Grischun appellescha da betg ristgar dad ir sin il glatsch che para segir. Entrar las surfatschas da glatsch sin ils lais da l'Engiadin'Ota succedia sin agen privel.