Scuverta rara en Val Müstair - Chattà lischerna verda da l'ost en il reservat da la Biosfera

Durant in’emna da studi han scolars scuvert ina uschenumnada lischerna verda da l’ost, per tudestg «östliche Smaragdeidechse», en il reservat da Biosfera en la Val Müstair. Il territori nua che questa lischerna viva normalmain, cunfinescha cun l'ost ed il sid da la Svizra. En il Grischun n’hajan ins dapi onns betg pli vesì uschè ina lischerna, ha ditg il manader da l’emna da studi Marco Barandun. Tenor l'enciclopedia online «Wikipedia» na datti gnanc questa lischerna en Svizra.