Scuol - Suenter las malauras è la via en la Val d’Uina anc adina serrada

Tenor Chasper Alexander Felix, manader da las gestiuns tecnicas da la vischnanca da Scuol, duran las lavurs usche ditg, pervi ch'ins na possia betg entrar en la Val d’Uina vis-a-vis Sent cun maschinas da construcziun grondas.

Provediment d'aua betg periclità

L’urizi da la sonda passada ha purtà blera aua e material en il flum che passa tras la val. Donns vi da la via hai dà pervi ch'il flum ha schlavà la via. Sut la via è era la lingia d’aua principala dal provediment per la vischnanca da Sent. La lingia n'era betg periclitada dals donns. La via da la Val d’Uina duai uss vegnir ensemen cun la lingia d’aua segirada ed auzada. Quai per impedir donns en futur vi da la via e la lingia d’aua.

Lavurs gronds per refar il flum

Il material ch'è vegnì cun las bodas chaschuna uss pero in ulteriura sfida. Quella da la plazza. Il flum è s'auzà fin sin il livel da la via per rivar en val. Tut il material che s’ha pusà en il letg, duai uss vegnir davent da quel. Quai per far plazza per l’aua da naiv e cun quella er il material ch'ins spetga la primavaira. Quant material ch’ins stoppia rumir davent, na po Chasper Alexander Felix betg dir. Uschia saja era grev, da pudair dir, cura che las lavurs sajan a fin.

Pauc spazi, pitschnas maschinas

Material na po betg vegnir transportà lunsch. La via en val n'è betg largia avunda. Quai saja era la raschun, pertge ch'ins possia be duvrar maschinas pitschnas per rumir il material. Quai dovra temp, uschia il manader da las gestiuns tecnicas. El suppona che las lavurs en Val d’Uina duran anc segir in mais.