A radund 400 indigens, giasts e possessurs da secundas abitaziuns ha Gino Clavuot tschentà la dumonda tge ch'è per els «libertad». Sin basa da las rispostas ha il raper Gino Clavuot alias SNOOK scrit il text dal toc da chant. Cun agid da la magistra da chant per uffants Nina Mayer e dal chantautur Dario Fallet da la Val Müstair è naschida la chanzun «libertad».
Michael Jackson sco inspiraziun
A la fin da la chanzun, sco refrain, vegn era in cor d’uffants en acziun. Il cor d'uffants consista da radund 50 uffants da las trais regiuns turisticas, Engidina Bassa, Val Müstair e Samignun. Gino Clavuot haja laschà s'inspirar da la musica da Michael Jackson e perquai giavischà ch'in cor chantia il refrain.
Quai che ma plascha mega bain vi da las chanzuns da Michael Jackson è ch'in cor da gospel chanta a la fin. Quai fa vegnir interessanta la chanzun.
La registraziun d'audio ha gì lieu a Scuol en la sala polivalenta, la registraziun filmica pli tard en la baselgia da Scuol. La chanzun «Libertà» cumpara la fin dal schaner 2025.
Registraziun da la chanzun «libertà»
-
Bild 1 von 3Legenda: Mischa Weiss registrescha ensemen cun il cumponist SNOOK la chanzun. RTR -
Bild 2 von 3Legenda: Radund 50 uffants sa partecipeschan al project per registrar la chanzun scritta da SNOOK. RTR
-
Bild 3 von 3Legenda: Ils uffants plain attenziun durant las instrucziuns da Nina Mayer. RTR