Cun la cumpra d’aczias vul la vischnanca sustegnair finanzialmain las Pendicularas Scuol SA. Quellas prevesan d’investir ils proxims onns radund 15,5 milliuns francs en l’infrastructura. Il pli grond project e la renovaziun cumpletta dal restaurant da muntogna. Plinavant ins prevesa da renovar era las localitads tecnicas, las garaschas e magazins sin Motta Naluns.
La vischnanca da Scuol posseda cun quai da nov 29% da las aczias da las Pendicularas Scuol SA.
Quint annual 2022
Scuol ha realisà in gudogn da 6,75 milliuns francs l’onn 2022, plinavant ha la vischnanca fatsch investiziuns bruttas da 9 milliuns francs. La radunanza communala ha consenti senza cuntravusch il quint annual 2022.
Contract cun l'«Engiadina Scuol Turissem SA»
La vischnanca ha prolungà la collavuraziun cun la ESTAG (Engiadina Scuol Turissem SA) per ulteriurs 5 onns. L'ESTAG è la gestiun responsabla per las purschidas turisticas da la vischnanca da Scuol.