-
Bild 1 von 4Legenda: Florian Ast en acziun sin il palc a Scuol. RTR, Georg Luzzi -
Bild 2 von 4Legenda: Florian Ast e sia band a Scuol. RTR, Georg Luzzi
-
Bild 3 von 4Legenda: Damian Lynn e ses percussiunist. RTR, Georg Luzzi
-
Bild 4 von 4Legenda: Ils Diabolics da la Val Müstair. RTR, Georg Luzzi
Il cumenzament ha fatg la gruppa «Diabolics» da la Val Müstair, e lura enavant cun musica pli sentimentala chantada da Damian Lynn cun sia ghitarra. Il punct culminant da la saira e lura stà il concert da Florian Ast. Sias chanzuns chantadas en dialect han fascinà. La finiziun ha fatg Thomas Kleinstein da Samignun.
In concert per giuven e vegl
La finamira dals organisaturs era d'organisar in concert ch'attira differentas generaziuns. Quai è reussì – radund 300 persunas èn vegnidas en la sala communala a tadlar il concert. Tenor Schimun Neuhäusler, in dals iniziants e responsabels per la saira, na dettia betg memia paucs concerts in Engiadina Bassa, els vulevan organisar simplamain ina giada in grond event.
Ina bun'atmosfera, buna musica e s'inscuntrar – la maioritad da las aspectaturas ed aspectaturs eran en la vegliadetgna tranter trenta e quaranta. Tranter dad els eran dentant er pli giuvens e pli vegls – precis quai ch'ils organisaturs hajan sperà.
RR actualitad 08:00