Scuol - Emprim di avert, emprim test da stress

Suenter che las maschinas da construcziun han cumenzà questa primavaira, è la nova staziun da muntogna da las Pendicularas Naluns SA da Scuol uss pronta. Il restaurant «La Motta» ha pudì beneventar ils emprims giasts.

Mo pitschens problems

Durant la bun'ura n'era betg cler, quantas persunas che chattian la via sin la muntogna. Ils emprims problems: la cassa che na funcziunava betg uschia sco ella duess. Ed er en cuschina è sa mussà in problem. La frittera aveva problems cun la forza electrica.

Ed ils giasts èn vegnids sin mezdi en massa. Il restaurant era plain. Las empustaziuns per mangiar e bavrondas han cumenzà a sa mantunar. Per lavurar giu quellas e dasperas er anc cumbatter cun la tecnica, han ils impiegads e las impiegadas fatg tut. Ma a la fin han ils giasts stuì avair in pau pazienza.

Pront per la stagiun auta

Sch'ils responsabels e las responsablas dal restaurant vegnan d'eliminar ils problems tecnics, lura funcziuna quel fin la fin da l'emna era meglier. Gist en temp per la stagiun auta d’enviern.