Radund 12 milliuns en furma da credits da banca ulteriurs 3 milliuns cun in auzament dal chapital d’aczias e finalmain 4 milliuns francs cun atgnas prestaziuns. Uschè prevesa ins la finanziaziun dal nov restaurant da muntogna sin la regiun da skis Motta Naluns a Scuol. L’entschatta da construcziun è previsa en avrigl 2024. Il restaurant duess esser pront in december, punctualmain per la stagiun da skis 2024/25. Il project vegn preschentà a la radunanza generala che ha lieu ils 7 d'october.
Fabricat cun sfidas
Tenor il directur Andri Poo ston ins far quint cun trafic da transport, quai n'è betg evitabel. Ma els vulan far il pussaivel per organisar transports da material cuminaivels. Las collavuraturas e collavuraturs da las firmas dessan viagiar sin la plazza da fabrica cun la pendiculara e betg cun l’auto da la firma.
Ulteriurs projects stattan en discussiun
Sco proxim grond project èsi previs da fabritgar ina sutgera en la regiun da Champatsch e demontar il runal existent (2027/28). Ordavant ins prevesa era dad ennavar quella regiun. Finalmain ins prevesa era dad investir en la segirezza cun fabritgar albers da lavinas.
