La scola da muntogna Avrona celebrescha quest onn ses 70avel giubileum. Oriundamain fundada sco lieu da recreaziun per uffants è Avrona daventada ina scola speziala renconuschida, basada sin la pedagogia da Rudolf Steiner. Las festivitads per l’onn da giubileum vegnan lantschadas cun in inscunter dad anteriuras scolaras e collavuraturs. Durant ina fin d’emna è vegnì tratg bilantscha e laschà repassar las numerusas regurdientschas che las persunas han vi da lur temp ad Avrona.
Per mai eri sco ina sort isla entamez questa muntognas magnificas. Tras quai ma sentiv jau er fitg protegida.
Passa 150 persunas èn arrivadas ad Avrona per sa barattar e discutar da lur temp passentà en la scola speziala en Engiadina Bassa. Las regurdientschas èn tar mintgin e mintgina fitg multifarias ed er ambivalentas. Uschè ha per exempel passentà Monika Peter da Frankfurt in temp ad Avrona, causa problems da sandad.
-
Bild 1 von 11. Monika Peter è stada ad Avrona ils onns 1958/59. Bildquelle: RTR.
-
Bild 2 von 11. In lieu situà sur Scuol-Tarasp en in cleragl amez il guaud. Bildquelle: RTR.
-
Bild 3 von 11. Il manader da scola, Stefan Imhof numna Avrona ses dachasa dapi 12 onns. Bildquelle: RTR.
-
Bild 4 von 11. Ina pluna fotografias che documenteschan er l'istorgia da la scola speziala. Bildquelle: RTR.
-
Bild 5 von 11. Uorsin Müller da Susch è oz pur e bostger. Bildquelle: RTR.
-
Bild 6 von 11. En la vegliadetgna da 10 onns è Uorsin Müller da Susch rivà ad Avrona. Bildquelle: RTR.
-
Bild 7 von 11. Er l'informaticher Marco da Basilea è turnà ad Avrona per laschar reviver sias regurdientschas al temp da scola ad Avrona. Bildquelle: RTR.
-
Bild 8 von 11. La galaria da fotografias è stà in dils lieus nua ch'ils anteriurs s'èn inscuntrads durant la fin d'emna. Bildquelle: RTR.
-
Bild 9 von 11. Bler vegn fatg sez, uschè er las tablas da signalisaziun ad Avrona. Bildquelle: RTR.
-
Bild 10 von 11. Sabrina Staub, anteriura collavuratura ad Avrona. Bildquelle: RTR.
-
Bild 11 von 11. Vroni Grob-Hatecke ha passentà cun sia famiglia 13 onns ad Avrona. Bildquelle: RTR.
Da la recreaziun a la furmaziun
L'istorgia da la scola da muntogna Avrona ha cumenzà ils onns 1940, cura ch’il lieu pittoresc vegniva utilisà sco residenza da stad per champs musicals. L'onn 1955 è la scola vegnida averta uffizialmain, purtada dal «Cercel d'amicizia da la scola da muntogna Avrona». L'instrucziun sa basava dapi l'entschatta sin la pedagogia da Rudolf Steiner, che metta il svilup individual da mintga uffant en il center.
Creschament e svilups structurals
Ils onns 1960 ha la scola fatg in temp d'expansiun. Novs bajetgs èn vegnids erigids, ed il 1968 ha Avrona survegnì la renconuschientscha sco scola speziala per uffants cun disturbis da cumportament e problems d'asma. Il dumber d'uffants è creschì, e la scola è daventada in impurtant lieu da furmaziun en la regiun.
-
Bild 1 von 4. 1940/1950. Bildquelle: Bergschule Avrona.
-
Bild 2 von 4. 1950 – 1970. Bildquelle: Bergschule Avrona.
-
Bild 3 von 4. 1950 – 1970. Bildquelle: Bergschule Avrona.
-
Bild 4 von 4. fin dal 19avel e cumenzament dal 20avel tschientaner. Bildquelle: Bergschule Avrona.
Sfidas ils onns 1980 e 1990
Ils onns 1980 han purtà ina restructuraziun da la direcziun, e la scola è vegnida renconuschida sco «scola per uffants che basegnan ina educaziun precauta». Ils onns 1990 ha la dependenza finanziala da meds publics chaschunà sfidas che han pretendì ina restructuraziun profunda.
Suenter difficultads inizialas en il nov millenni, è la scola da muntogna Avrona sa stabilisada ed è daventada in center da cumpetenza per scolas spezialas cun incarica chantunala. A partir dal 2012 èn tut las immobiglias vegnidas renovadas, e la scola porscha oz 24 plazs en scola speziala. L'idea fundamentala da la scola, marcada da musica e natira, resta nunmidada. Avrona è e resta in lieu d'inscunter e furmaziun.