Il studi davart la realisabladad dal project per embellir e revitalisar la riva dal lai ha mussà a la populaziun da San Murezzan tge ch'ils responsabels dal project vulan far. Il pli impurtant: engrondir la via per peduns e velos.
Uschia duess vegnir meglierada la situaziun actuala nua che velos e peduns ston ston parter la via per lung la riva. Perquai che differentas spertadads sa cruschan na cuntenta la segirtad da traffic betg. Plinavant n'è il spazi a la riva er betg bain accessibel per peduns e velocipedistas e la riva da lai n'haja er nagina valur ecologica. La situaziun na cuntentia en general betg e na correspunda tenor la vischnanca er betg al standard d'in lieu turistic internaziunal.
Bildvergleich
Situaziun actuala
-
Bild 1 von 2. La situaziun actuala cun la via chantunala e la via per peduns e velocipedistas. Quai na cuntenta betg. Bildquelle: vischnanca da San Murezzan.
-
Bild 2 von 2. Plinavant n'ha la riva dal lai uschia sco ella è actulmain nagina valur ecologica. Er quai duess vegnir meglierà. Bildquelle: vischnanca da San Murezzan.
Puncts ecologics
Tenor Reto Matossi, suprastant e responsabel dal project, saja però da resguardar tscherts puncts. Per schlargiar la via sco previs, saja necessari da stumplar terra e glera en il lai. Per cumpensar questa intervenziun, saja da renatiralisar in'autra part dal lai. Uschia saja dad equilibrar il project.
Propostas per meglierar
-
Bild 1 von 2. Etappa 1. En l'emprima etappa duai la via per peduns e velocipedistas vegnir engrondida sin il tschancun dasper la staziun / en il contur da las duas rundellas da la via chantunala. Far là vias cumplettamain separadas per velos e peduns n'è tenor il project betg realistic. Bildquelle: vischnanca da San Murezzan.
-
Bild 2 von 2. Pli tard duain suandar ulterius tschancuns en 4 ulteriuras etappas. In è p. ex. la var en il vest dal lai. La propona il project er ina varianta cun vias cumplainamain separadas per velos e peduns. Bildquelle: Vischnanca da San Murezzan.
Etappar las lavurs
Planisà è da far las lavurs pass per pass. Las lavurs da construcziun per l'emprima etappa duain cumenzar il 2026. Esser a fin cumplainamain duai il project il 2030. Per mintga etappa dovri però il consentiment dal pievel – en tge furma (parlament u urna) è anc avert. Plinavant datti er per mintga etappa las pussaivladas ordinarias da recurs e protesta.