Cun quest premi vul l'organisaziun d’agid a sasez Procap Grischun far vegnir visibels exempels positivs da l'accessibilitad senza barrieras en las vischnancas grischunas.
San Murezzan in exempel «traglischant»
Il president da l’organisaziun Procap Grischun, Reto Crameri, di che San Murezzan saja in exempel traglischant per la accessibilitad senza barrieras en il spazi public. L'organisaziun per umans cun impediments ha fatg in'enquista tar ses commembers e sias commembras e tar differents uffizis dal chantun Grischun, per eruir tge vischnanca ch'ha fatg il pli bler per promover la mobilitad per persunas cun impediments. Il resultat: San Murezzan ha persvadì.
Ils projects en vischnanca
Las fermadas da bus cun accesibilitad exemplarica senza barrieras han ins pudì visitar cun in bus durant il suentermezdi da la surdada dal premi d’inclusiun. Per Reto Matossi, vicepresident da la vischnanca da San Murezzan, saja bel ch'in'organisaziun renconuschia las stentas. Ils ultims onns saja blera lavur vegnida fatga per meglierar la situaziun per tut ils abitants e tut las abitantas.
Or da l'archiv:
