Sia partida locala da l’Allianza dal Center ha nominà il manader tecnic da l’eroport a Samedan sco candidat e cun quai avert la cursa per il presidi communal, scriva la partida.
Martin Binkert è creschì si a San Murezzan a Champfèr. Dapi il fanadur dal 2020 è el en il cussegl communal da San Murezzan. Sch’il president actual, Christian Jott Jenny, candidescha anc ina giada, n’è anc betg cler. L’elecziun da la nova presidenta u nov president da San Murezzan è il zercladur che vegn.