Mintga pèr onns organiseschan las organisaziuns da sanadad da l’Engiadin’Ota in grond exercizi cuminaivel. La finamira è d’optimar la collavuraziun da la Rega, REO, polizia, pumpiers e la protecziun civila, declera Florian Flück, l’organisatur da l'exercizi.
Questa giada è vegnì simulà in accident d’autos en ina gonda sur Samedan. Trais autos èn cupitgads. Total hai dà 15 persunas blessadas. Er sche mintgin enconuscha ses pensum, la coordinaziun tranter las tschintg instanzas na vegn betg exercitada uschè savens.
Sfida communicaziun
Da tegnair la survista e dar cumonds clers – quai saja la gronda sfida, di Florian Flück. Tenor el haja la communicaziun tranter las differentas instanzas franc anc potenzial, tuttina saja el cuntent cun la lavur da mintgin. El saja persvas, che las instanzas èn prontas per il cas serius.
