La nova manadra – Jennifer Filli
La giuvna tgirunza d’animals diplomada Jennifer Filli è da nov la manadra da la pensiun da chauns a Ramosch. Ella ha fatg il giarsunadi a Ramosch, ha lura però bandunà l’Engiadina. Perquai che la pensiun da chauns è adina stada ferm a cor ad ella, ha ella decis da returnar.
Actualmain lavuran quatter collavuraturas e collavuraturs en la pensiun da chauns. Els porschan alloschi per radund 60 chauns, sco era divers giats. Ina da las finamiras da Jennifer Filli è da porscher en l'avegnir puspè ina plazza da giarsunadi en ses manaschi.
La nova possessura – Clinica Alpina SA
Il schaner 2022 ha surprendì la Clinica Alpina – sut la batgetta da Dr. Benjamin Biner – la pensiun da chauns. La Clinica Alpina fa part a la Vet Trust, ina gruppaziun da veterinaris cun radund 30 praticas en Svizra.
La pensiun da chauns a Ramosch aveva avert sias portas il 1996. Belinda Conradin ha manà quel durant blers onns cun grond success. Ussa ha ella decis da surdar en novs mauns il manaschi. Cun la Clinica Alpina e la nova manadra Jennifer Filli ha ella chattà ina soluziun.