La radunanza communala da Schlarigna ha ier saira approvà il quint annual 2022. Quel serra cun in plus da bunamain quatter milliuns francs. La mesadad da quest gudogn saja dentant ina adattaziun da la valur da las immobiglias e passa 500'000 saja l'augment da la valur da las aczias, scriva la vischnanca.
Plinavant dat la vischnanca a l'Academia Engiadina ina garanzia dad 80'000 francs. La scola media sto, tenor lescha chantunala, avair ina reserva da 15% da las pajas annualas, per l'Academia èn quai 723'000 francs. Sco alternativa po la scola era duvrar garanzias da las vischnancas, alura na dovri betg la reserva directa.
Ultra da quai ha la radunanza approvà in credit da 250'000 francs per ina senda d'aventura tranter Marguns e Schlarigna.
