Tranter auter han S-chanf e San Murezzan gia concedì lur credits per l'ospital regiunal Engiadin'Ota. Ed er Zuoz ha approvà sia part da cuvrir il credit supplementar necessari da 5 milliuns francs. La radunanza communala ha approvà in credit da 305'000 francs, ha scrit la vischnanca en ina communicaziun.
Plinavant è il quint annual dal 2023 approvà. Quel finescha cun in surpli da 47'000 francs, cun expensas da radund 13 milliuns francs.
Il Gea al credit per la fundaziun da provediment da sanadad Engiadin'Ota, ch'è purtadra da l'ospital regiunal, è vegnì approvà cun 22 vuschs cunter 15 vuschs. Il cussegl communal ha proponì d'approvar il credit, haja dentant mess sin via mesiras en la fundaziun per evitar ulteriurs deficits en il futur.
