En la regiun dal Lai da Rims, ch’è ina perla turistica, pasculeschan quest onn 300 nursas accumpagnadas da dus chauns da protecziun. Per evitar conflicts tranter chauns e turists u perfin attatgas dals chauns han ils responsabels prendì mesiras spezialas.
Ina mesira centrala è la preschientscha permanenta dal nurser. Per garantir quai han ins stuì sgular ina pitschna chamona en la regiun. In’autra mesira è da eriger saivs per separar ils turists dals chauns.
La bilantscha suenter passa in mais è per gronda part positiva, nagins stgarps dal luf e naginas attatgas da chauns sin turists.
