Legenda:
La lavina sballunada sur loipas e senda da viandar ad Isola/Malögia.
Polizia chantunala
La procura publica grischuna ha instradà ina inquisiziun penala encunter nun-enconuschent per sclerir eventualas responsabladads tar la lavina a Malögia. Quai scriva la gasetta «SonntagsBlick». Da sclerir sajan eventualas responsabladads penalas, ha ditg la procura publica a la gasetta. Betg cler saja era, sche la loipa e la via da spassegiar ad Isola sajan en ina zona da privel da lavinas. Concret pia: Sch'il privel è stà enconuschent e fatg transparent. Perquai han la polizia e la procura publica integrà in spezialist da l'Institut da perscrutaziun da naiv e lavinas a Tavau.
La lavina era vegnida giu sin la loipa ad Isola ed aveva cuvrì duas passlunghistas – ina da questas per part. In maschinist da pista ed ulteriurs sportists avevan pudì liberar las passlunghistas da 63 e 59 onns, aveva communitgà la polizia chantunala. Las duas soras sajan mitschadas da consequenzas pli grondas – ina senza blessuras e l'autra cun blessuras levas.
Situaziun da naiv e lavinas
Möchten Sie diesen ergänzenden Inhalt laden?
Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr
Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.
