«Las dunnas duessan avair il pled ed il chapitel – las enconuschentas è main enconuschentas, dunnas bainstantas, scripturas, giuristas e cumponistas, ma era puras e chasarinas duain vegnir a pled.»
Il toc da teater ha la reschissura e producenta Annina Giovanoli da Lantsch Sut scrit.
Jau hai badà che la festa enturn ils 500 onns Stadi liber da las Trais Lias è fitg dominada dad umens e betg da dunnas.
Il teater tracta da quatter dunnas che van a la tschertga da fotografias e biografias da dunnas che han vivì ils davos 500 onns, ellas sa preparan per far in referat. Ellas chattan ina massa material da dunnas bainstantas, strias, scripturas e cumponistas, ma ellas constateschan era l’impurtanza da raquintar da las dunnas modestas, da la mamma e pura ed era da la fantschella.
A Sent ha gì lieu la premiera, a la quala radund 50 persunas han prendì part. Il toc dad Annina Giovanolli vegn giugà a partir da subit enfin ils 18 da december en divers lieus en il Grischun.