Il vegl restaurant «La Charpenna» sin la staziun da muntogna da las pendicularas Scuol è arrivà suenter 45 onns a la fin da ses ciclus. Cun la fin da la stagiun d’enviern da quest onn è la chasa vegnida demolida. La nova chasa duai custar 20 milliuns francs e duai era vegnir fabritgada en lain.
Nagin temp per sbagls
Per la proxima stagiun d’enviern, che cumenza la mitad da december, duai il nov edifizi esser pront. Temp per sbagls u entardaments na datti betg.
Sfidas d’organisaziun
Cun pauc temp sto il directur da las pendicularas Andri Poo era organisar e coordinar las lavurs. Dal transport sin ina via natirala, l’aura bletscha da las ultimas emnas, l’installaziun d’ina cantina per ils lavurants e las lavurantas èn mo in pèr problems ch’ins duai schliar.
Il project é sin buna via
Andri Poo è optimistic. Segund el è il project en tant segund urari. Sche tut il rest grategia sco planisà, duai il pli grond restaurant da la regiun avrir sias portas per il cumenzament da la stagiun d’enviern.
