La regiun Malögia ha incumbensà ina firma externa per analisar la situaziun actuala davart la mancanza d’emprimas abitaziuns en la regiun. Emprims resultats demussan, che mintgina da las 12 vischnancas avess a disposiziun terren da fabrica liber per l’utilisaziun d’emprimas abitaziuns.
Sco Martin Aebli, collavuratur da la firma EcoAlpin, che fa il studi, ha ditg ad RTR manca la voluntad politica per metter a disposiziun las parcellas libras a persunas interessadas. Tenor el duain las vischnancas vegnir activas e communitgar transparent e prominent nua e sut tge cundiziuns ch’ellas porschan terren da fabrica.
Tenor la lescha davart la planisaziun dal territori èn las vischnancas numnadamain obligadas da metter a disposiziun las atgnas parcellas libras, uschè Aebli. Ils scleriments che la dita externa è vanc id far, duain dar ina basa da discussiun.
