La Tschinquina - In gieu tradiziunal reviva

Il gieu da cartas tradiziunal, la Tschinquina, enconuschan blers giuvens mo pli dals raquints dal tat e la tatta. Quest gieu vegniva giugà pli baud savens en las ustarias. Plirs onns era quest gieu però svanì. Dapi in tempet s'èn però puspè furmadas pliras gruppas en differentas vischnancas che giogan regularmain la Tschinquina.

In gieu ch’ins sto savair

Per il gieu dovr'ins cartas spezialas ed i dovra tschintg persunas. Da là vegn probabel il num «Tschinquina». La derivanza dal gieu n’è betg enconuschenta – probablamain deriva il gieu da l’Italia. Las reglas èn spezialas – emprender san ins be cun giugar, di René Bonorand da Guarda. La finamira dal gieu è da gudagnar uschè blers raps sco pussaivel. Er sch’i vegn numnadamain giugà cun 5erins, è la valur tar quest gieu dapli. Il gieu tradiziunal vegn pia laschà reviver en Engiadina Bassa ed il medem mument vegn mantegnida ina lunga tradiziun.