Ina culla da disco, sutgas e maisas e musica dals onns 1960 fin 1980. Quai è stada la Disco 60+ a La Punt – Chamues-ch. Per l'emprima giada han pudì ils seniors e las senioras sautar cun ils hits da lez temp.
Dal betg savair quanta glieud che partecipescha....
Per Clärli Weingart, l'organisatura da la disco, n'era betg segir, sche la glieud vegnia.
Igl è grev da dir, sche la glieud arriva u betg. Nus fissan gia fitg cuntents cun 30 fin 40 persunas, quai fiss bel.
Per ils seniors e las senioras preschentas era quest venderdi suentermezdi er in per ir a dar in’egliada. E plaun a plaun é la sala communala a La Punt s'emplenida.
Jau sun qua per avair in bel suentermezdi, per cumpagnia, per far in pèr sauts, ma i n'èn betg qua umens. Ma nus pruvain da far il meglier londerora.
La mitad da la glieud preschenta enconusch jau. Era perquai che jau sun in che sauta gugent e bler. Per il mument saut jau da glindesdi fin en venderdi mintga saira.
Jau sun qua per guardar sco che la disco guarda ora. Ma era la musica dals ’70 ’80 ma plascha. Quai era mia musica.
Era sch'il palc da sautar era l'emprim plitgunsch vid, durant il suentermezdi è quel s'emplenì cun sautunzs e sautunzas.
... al esser cuntent ed avair optimissem per la proxima giada
L’organisatura Clärli Weingart era cuntenta vers la fin dal suentermezdi. Bundant 50 persunas eran a la fin arrivads a La Punt – Chamues-ch. Per las proximas duas giadas che la disco 60+ vegn realisada, ha ella buna speranza, che la glieud chatta la via.
Impressiuns da la Disco 60+
-
Bild 1 von 5. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.