L'institut Otalpin Ftan survegn ina nova manadra da scola: Katja Maike Braun succeda a Stefanie Aichholz a partir da l’autra primavaira. Quai ha communitgà l’institut.
Braun ha 51 onns, è oriunda da la Germania ed ha studegià germanistica. Ils ultims set onns è ella stada manadra da scola da l'Ecole d'Humanité a Harlisberg Goldern en il chantun Berna. En tut lavura ella gia passa 20 onns en il sectur da furmaziun.
Cun l'engaschament da Katja Maike Braun sco nova manadra da scola al HIF, dat Caroline Taylor, la manadra actuala interimistica da la scola, puspè giu questa funcziun e cuntinuescha cun sia funcziun sco manadra da l'institut, dal program Ignite internaziunal e sco manadra da las scolas partenarias europeicas dal EiM.
