La gruppa accentuescha da betg avair insatge cunter il project InnHub sco tal, mabain cunter l'architectura dal project da Norman Foster. Quella na sa cumportia betg cun la cultura da construir en l'Engiadina – e saja in element ester che restass per adina. La gruppa ha perquai incumbensà l'architect Chasper Linard Schmidlin d'elavurar in project alternativ. Schmidlin è tranter auter staus con-architect dal nov Muzeum Susch.
-
Bild 1 von 6. La plazza dal vitg en la varianta dal cuntraproject da Chasper Linard Schmidlin. Bildquelle: MAD / Visualisaziun Schmidlin Architekten.
-
Bild 2 von 6. Il cuntraproject da Chasper Linard Schmidlin. Bildquelle: MAD / Visualisaziun Schmidlin Architekten.
-
Bild 3 von 6. Il project da Chasper Linard Schmidlin en furma da model. Bildquelle: MAD / Visualisaziun Schmidlin Architekten.
-
Bild 4 von 6. Visualisaziun dal project da Norman Foster. Bildquelle: MAD / Visualisaziuns Foster + Partners.
-
Bild 5 von 6. Il project da Norman Foster. Bildquelle: MAD / Visualisaziuns Foster + Partners.
-
Bild 6 von 6. Il project da Norman Foster. Bildquelle: MAD / Visualisaziu Foster + Partners.
Suveran decida davart plan da zonas
Gia questa saira, ils 23 da fanadur decida la radunanza communala da La Punt Chamues-ch davart il project InnHub, respectiv da la midada da la planisaziun locala dal quartier Truochs/La Resgia.
Sch'ils da La Punt din Gea saja il project InnHub in grond pass enavant ed ins pudess inoltrar la dumonda da construcziun al chantun. Lura pudess vegnir inoltrada la dumonda da construcziun, apaina ch'il chantun dat definitivamain glisch verda al project. Sch'els din Na stoppian ins far il pass enavos all'entschatta, ha il president communal Jakob Stieger ditg.