Flurina Badel – ch'ha vivì ditg a Guarda – tracta en ses emprim roman la midada actuala en in vitg engiadinais. Quai davent da la vendita da chasas per pretschs exorbitants, ils midamaints socials fin la necessitad dolurusa da stuair prender cumià d’ina chasa, d’in lieu, dal dachasa.
«Tschiera» maina ils lecturs e las lecturas en in’istorgia emoziunala davart sperditas, midadas e cumbats interns ed externs.
-
Bild 1 von 4Legenda: Cun «Tschiera» fa Flurina Badel in debut poetic. RTR -
Bild 2 von 4Legenda: Ils 22 d'october ha gì lieu la vernissascha dal roman a Lavin. RTR
-
Bild 3 von 4Legenda: Cun luschezza presenta Flurina Badel ses emprim roman. RTR
-
Bild 4 von 4Legenda: Il cudesch tracta d'il martgà d'immobiglias da luxus che spaventa ils indigens e las indigenas or da vitgs engiadinais. RTR
Stuair prender cumià d’in dachasa
Flurina Badel descriva las sfidas dal spazi da viver limità per persunas indigenas – in tema che n'è betg mo fitg actual en l'Engiadina.
Il roman raquinta d’Aita che sto vender la chasa paterna suenter la mort da sia mamma. Quai bitta sutsura cumplettamain la vita da la dunna giuvna. Luis – che maina la butia dal vitg – emprova da mobilisar la populaziun da far frunt a la fiera d’immobiglias exagerada.
Il roman è vegni edì da la Chasa Editura Rumantscha.