I dat in Svizra anc 54 da ses gener ed el tucca tar ils pli pitschens. Il mulin Scartazzini a Promontogno è in’ovra da famiglia. Las emprimas documentaziuns dal Molino Scartazzini a Promontogno existan or dal 17 tschientaner. Vittorio Scartazzini è muliner in 10avla generaziun ed el lavura ensemen cun ses bab Giovanni Andrea Scartazzini.
Il mulin vain oz fat ir cun forza electrica. Pli baud era quai natiralmain auter. Il Molino è gia pli baud stà in mulin da pionier. L’onn 1901 ha el producì per l’emprima giada forza electrica per 4 differentas vischnancas in Val Bregaglia.
Era sch’el è be pitschen – ils products vegnan tschertgads e stimads.
Vittorio Scartazzini e ses bab produceschan oz var 120 tonnas farina ad onn. 90 % da la farina è or d'ina producziun da bio. Dapi in onn pon els era elavurar giutta per ina butia gronda in Svizra. Quella producziun als pussibilitescha il surviver. Ils products èn però era stimads en Engiadina ed in Val Bregaglia.
Vittorio Scartazzini è cun corp ed olma muliner. En in mulin uschè vegl è el però dapli co be muliner. El saja era falegnam, electricist, mecanist ed um per tut ils problems.
Esser innovativ è era pussibel en in affar «istoric».
La famiglia Scartazzini ha plans da vulair producir puspè forza electrica. La dumonda è gia vegnida acceptada in Val Bregaglia – ussa spetgan els be pli sin la resposta dal Chantun.
-
Bild 1 von 5. Il Molino Scartazzini a Promontogno. Il mulin da la famiglia Scartazzini è a Promontogno - l'istorgia dad els cumenza gia en il 17. tschientaner. Bildquelle: MAD.
-
Bild 2 von 5. La splattitscha dal Molino Scartazzini. Sil emprim plan da la chasa è la splattitscha - ella elavura different graun sco per exempel furment, seghel, spreda, furmental e giutta. Bildquelle: MAD.
-
Bild 3 von 5. Il crivel è sil 2. plan da la chasa Scartazzini. Circa 120 tonnas graun vegnan elavurads per onn. Bildquelle: MAD.
-
Bild 4 von 5. Il graun arriva da Landquart a Promotogno. Il deposit dal graun - la gronda part derriva da "Gran Alpin". Bildquelle: MAD.
-
Bild 5 von 5. La farina è 90 % bio. Circa 120 tonnas farina elavura la famiglia Scartazzini per onn. Bildquelle: MAD.