L’anteriur directur dal campiunadi mundial da skis 2017 a San Murezzan, Gian Gilli, ha passentà ils ultims trais mais sco paster en l’Alp Timun, en la Val Laviruns. Ensemen cun Riet Planta ha el tgirà 300 vatgas.
Per mai è quai stà in’experientscha sensaziunala e grazia l’agid ed il savair da Riet Planta in’aventura nunemblidaivla.
Sutvalità haja el surtut ch’ins saja en media tschintg fin sis uras al di en viadi a pè sur munts e vals, per controllar las vatgas mamma – ha ditg Gian Gilli. L’um sportiv ha tras quai anc pers plirs kilos pais, admetta’l cun ina risada en fatscha.
-
Bild 1 von 8Legenda: Gian Gilli circumdà da las vatgas mamma ch'ils umens han pertgirà questa stad. MAD -
Bild 2 von 8Legenda: Ils emprims dis haja'l buffà en urden per arrivar si per la muntogna. mad
-
Bild 3 von 8Legenda: Riet Planta e Gian Gilli, ils dus pasters da l'alp Timun. mad
-
Bild 4 von 8Legenda: Maletgs sco en ina paraula, circumscriva Gian Gilli plirs muments ch'el ha pudì fotografar. mad
-
Bild 5 von 8Legenda: Riet Planta e l'alp Timun cun las vatgas. mad
-
Bild 6 von 8Legenda: Gian Gilli e Riet Planta han cumpagnia cun far musica la saira en la tegia. mad
-
Bild 7 von 8Legenda: Ils viadis ch'ils dus umens han fatg mintga di, als han manà sur munts e vals. mad
-
Bild 8 von 8Legenda: Il return a chasa ord la Val Laviruns per las 300 vatgas. mad
En tut èn ils dus pasters engiadinais chaminads durant il temp ad alp passa 1’000 kilometers. Quai ves’ins er vid la fisionomia da Gian Gilli. Ch’el haja pers bun 5 kilos pais.
Per avair colliaziun cun il telefonin avain nus gì da chaminar ensi 600 meters. Nus avain perquai giudì la quietezza totala.
Las sairas hajan els passentà cun scriver diari, faschond musica ensemen e cun ir baud en letg, uschia Gian Gilli tut intgantà.
Sch’i vegn a dar ina repetiziun proxima stad ad alp, na possia el anc betg dir. Dentant sch’el vegnia dumandà gist ussa, lura dettia in cler gea.