Film da Mario Theus - «Wild» – la chatscha e sias fassettas

Betg mo la natira, ils animals aut sin las muntognas, bels maletgs da chatschadras e chatschaders en viadi che vivan lur passiun. Cun ses film «Wild» vul il cineast Mario Theus visualisar quella passiun e purtar tut quellas e quels che n'han nagina ina relaziun cun la chatscha en il medem mund sco ils chatschaders sez.

In chatschader, ina guardiaselvaschina ed in cineast d’animals èn ils protagonists principals. Ma era la relaziun da la chatschadra ed il chatschader cun la famiglia vegnan tematisads en il film.

Durant quatter onns ha Mario Theus (41) da la Val Müstair accumpagnà ils protagonists, filmà la vita dals animals, ma era las ultimas secundas da vita. Tar la vita vegn tematisada era la mort ed il respect dal chatschader vers quel mument commovent.