Festival da Jazz - Angélique Kidjo e ses quità per mamma terra
La chantadura da 61 onns ha intgantà ils visitaders dal concert al Lej da Staz cun musica africana. Il medem mument ha ella er tematisà ils problems da noss mund.
Angélique Kidjo s’engascha dapi onns per ils dretgs umans, per dignitad e per il respect envers nossa mamma terra. Quai ha l’ambassadura da l’UNICEF era transmess cun sia musica durant il concert da 75 minutas. Giudì il concert sut tschiel avert han radund 1’000 persunas ch’èn vegnidas a la riva dal Lej da Staz.
Per nus giuvens è il Lej da Staz gia da principi in lieu per sa scuntrar adina puspè. Ussa cun in concert live è il lieu anc pli spezial.
1 / 8
Legenda:
Angélique Kidjo al Festival da Jazz.
RTR, Patrick Capaul
2 / 8
Legenda:
Angélique Kidjo durant ses concert al Lej da Staz.
RTR, Patrick Capaul
3 / 8
Legenda:
Ils stgabels per ils giasts che han cumprà in ticket èn pronts.
RTR, Anna Caprez
4 / 8
Legenda:
Nadine e Lucrezia Giovanoli.
RTR, Patrick Capaul
5 / 8
Legenda:
Indigens e giasts durant il concert dal Festival da Jazz sut tschiel avert.
RTR, Anna Caprez
6 / 8
Legenda:
Il palc per Angélique Kidjo a la riva dal Lej da Staz.
RTR, Anna Caprez
7 / 8
Legenda:
Almain n'haja betg plovì ferm durant il concert.
RTR, Anna Caprez
8 / 8
Legenda:
L'atmosfera dal Lej da Staz suenter il concert.
RTR, Anna Caprez
La victura da quatter «Grammys» ha intgantà il public surtut cun chanzuns enconuschentas sco «Agolo», «Pata Pata» u «Mother Nature» e fatg sautar e splattar en ils mauns a giuven e vegl. Gugent avessan ils visitaders dal concert anc udì in supplement da duas, trais chanzuns. Angélique Kidjo è dentant svanida dal palc. En l’intervista suenter il concert ha la chantadura africana tradì, che la mort da sia mamma avant duas emnas l’occupia actualmain fermamain.
02:35
video
Angélique Kidjo è stada al Festival da Jazz a San Murezzan
