Il reservat da biosfera da l'Unesco Engiadina Val Müstair ha lantschà in project per realisar savuns 100% indigens. La finamira dal project è da transportar la savur dal schember en chasas ed hotels en furma d'in savun indigen.
Dal schember al savun
Las essenzas per pudair producir il savun èn vegnidas ramassadas en la Val S-charl. A Scuol ha alura ina firma spezialisada da vapur destillà l’ieli cun ina chaldera. Cun quel ieli cun ina savur intensiva da schember e da ginaiver duai lura vegnir realisà il product final: in savun indigen.
Dentant datti mo ina producziun pitschna, ma per il organisatur da quest'idea Jan Sedlacek da Sent, saja quest ina sort cumenzar per analisar sche quest product ha in avegnir sin il martgà.