21 persunas tranter 15 e 30 onns sa participeschan a la quart'ediziun dal Riverwalk organisà dal WWF. Durant trais emnas vulan ils giuvenils scuvrir ils ultims flums intacts en Europa e gidar a proteger els.
3 emnas plain acziuns
Dals 14 da fanadur fin ils 5 d’avust 2017 chaminan ils giuvenils lung il flum En. Els èn er en viadi cun velo e bartgas sin il traject da 500 kilometers da Malögia fin a Passau. Cun differentas activitads vulan els sensibilisar la glieud per proteger las auas er en avegnir.
Emprimas notgs fraidas
Surprais da las temperaturas plitost frestgas a Malögia, han ils giuvenils passentà las emprimas notgs sin il campadi cun temperaturas da paucs grads sur nulla grad. Las temperaturas e l’aura en general èn perquai er ina da las pli grondas sfidas ch’ils giuvenils menziunan unisono, avant ch’els partan per il Lej da Longhin, tar la funtauna da l’En.
Ils proxims dis fa la gruppa sut il patronat dal WWF adina puspè fermativas en l'Engiadina, sa scuntra cun politichers e tschertga il discurs cun la glieud per via.
-
Bild 1 von 7. La partenza dal project Riverwalk 2017 a Malögia. Bildquelle: RTR, Anna Caprez.
-
Bild 2 von 7. L'emprim lieu da campadi a Malögia cun temperaturas pli frestgas. Bildquelle: Jasmin Özcan.
-
Bild 3 von 7. La spassegiada cun in messadi sur munts e vals. Bildquelle: mad.
-
Bild 4 von 7. Anc èn tuts fits e pronts per l'aventura Riverwalk 2017. Bildquelle: mad.
-
Bild 5 von 7. Il viadi vers il cumenzament dal flum En. Bildquelle: mad.
-
Bild 6 von 7. L'emprima etappa - il Lej Longhin - ha la gruppa cuntanschì. Bildquelle: mad.
-
Bild 7 von 7. Giudair l'emprima etappa cuntanschida. Bildquelle: mad.
RR actualitad 08:20