L'onn 2015 hai dà per l'emprima giada ina operetta sin la Plazzetta amez il vitg dad Ardez. Sut la batgetta da l'iniziant Chasper-Curò Mani aveva la societad «Operetta giò’n Plazzetta» preschentà lura «Rita» da Gaetano Donizetti.
-
Bild 1 von 8Legenda: La gïa magica RTR, Roman Dobler -
Bild 2 von 8Legenda: Culissa da «La gïa magica» ad Ardez RTR, Roman Dobler
-
Bild 3 von 8Legenda: Simon Koller durant la prova RTR, Roman Dobler
-
Bild 4 von 8Legenda: Ils protagonists Gianna Lunardi, Chasper-Curò Mani e Daniel Bentz RTR, Roman Dobler
-
Bild 5 von 8Legenda: La Chapella Tasna sin il tractor La Chapella Tasna surpiglia la part musicala da l'operetta. RTR, Roman Dobler
-
Bild 6 von 8Legenda: Impressiun da la prova per l'operetta RTR, Roman Doler
-
Bild 7 von 8Legenda: Gianna Lunardi en sia rolla da baronessa RTR, Roman Dobler
-
Bild 8 von 8Legenda: La Plazzetta - culissa per l'operetta RTR, Roman Dobler
Questa stad spetga l'ovra «La gïa magica» da Jacques Offenbach. L'operetta è vegnida arranschada da nov cun musica da Wagner, Verdi, cun chanzuns enconuschentas da pop e cun chanzuns popularas.
Finamira dad inscenar mintga trais onns ina operetta
Suenter il grond success da l'emprima operetta ad Ardez è vegnida fundada ina societad cun la finamira dad inscenar mintga trais onns in'operetta en lieus particulars sco la Plazzetta ad Ardez. In'autra finamira è era da far quai cun mezs simpels e cun integrar la lingua rumantscha. Uschia è er questa giada la Chapella Tasna da la partida. Il quintet chanta e suna chanzuns popularas.
RR actualitad 12:00