-
Bild 1 von 3Legenda: 130 magistras e magisters han tut plazza en il hotel Saratz in occasiun da la CGL 2016 RTR, Georg Luzzi -
Bild 2 von 3Legenda: Il president Linard Martinelli maina l'80avla radunanza da la Conferenza Generala Ladina (CGL) RTR, Georg Luzzi
-
Bild 3 von 3Legenda: La emprima ediziun da la gasettina “Aviöl” dal 1916 RTR, Georg Luzzi
Radund 200 commembras e commembers dumbra oz la Conferenza Generala Ladina, curt CGL. Per absolver la radunanza generala e per fastagiar il 80avel anniversari en reunids radund 130 magistras, magisters e mainascolas.
Las incumbensas da la CGL han, in tut ils onns, betg midadas uschè ferm. La CGL s’engascha dapi decennis per las scolas e lur magisters, ella s’engascha per mantegnair la lingua rumantscha e collavura stretg cun sumegliantas uniuns en il chantun Grischun.
Sfidas actualas
La suprastanza da la CGL sa fatschenta actualmain cull'introducziun da plan d’instrucziun 21 che vegn introduci en ils proxims onns e cul tema digitalisaziun en scola sia quai per la magistraglia ed era per ils uffants.
La gasetta “Aviöl” cumplenescha 100 onns
In ulteriura incumbensa da la CGL è era la redacziun da la gasetta “Aviöl”. Quella e vegnida fundada in december dal 1916. Sulettamain en ils onns da la guerra dal 1945 e 1946 è la gasettina per ils scolars betg cumparida. In istorgia da success.
Davos la radunanza han ils uffants da Puntraschigna embelli il program cun chanzuns e lura han ils preschents dastgi prender plaz per la tschaina in occasiun da 80avel anniversari.